مبادئ باب التكافل/فرع الشهريات

١- مفيش شهرية لأسرة من غير زيارة واستيفاء جميع الأوراق اللي بتثبت وضع الاسرة احتماعيا وماديا بما في ذلك صورة بطاقة سارية وش وضهر.
٢- الشهرية بتدفع لمسئول الحالة كل ٦ شهور لكن بتدفع للاسرة شهريا نؤكد شهريا.
٣- الشهرية تسلم للحالة يدا بيد او عن طريق البريد وليس عبر وسيط ابدا.
٤- الشهرية بتوصل للاسرة اول كل شهر مش بعد كده عشان منتأخرش علي الأسر اللي ظبطت ظروفها علينا ولا قبل ميعادها عشان منحملش نفسنا فوق طاقتنا
٥- المسئول عن توصيل الشهرية مسئول علي متابعة وضع الاسرة وعن تحديد زيادة او نقصان الشهرية حسب وضع الاسرة (في أسر اتعملها مشاريع علي سبيل المثال) اَي مبلغ هيتوفر هيساعدنا نساعد أسر أكتر محتاجة
٦- يتم مراجعة وضع كل اسرة بشكل نصف سنوي.
٧- تجميع تبرعات الشهريات مسئوليتنا جميعا طول السنة عشان نضمن الاستمرارية. مع ظروف البلد الاقتصادية متبرعين كتير بتقع وأسر اكتر بتحتاج دعم