مبادئ عامة

باب التكافل/فرع الشهريات

في باب التكافل بنوفر كفالات شهرية للأسر المستحقة وبيتم ارسالها للأسر عن طريق تحويل بنكي من خلال كارت بنك مصر عشان نسهل على الحالات استلام شهرياتهم بمنتهى السهولة والخصوصية 

من مبادئ باب التكافل:

• تحويل الشهريات بيتم في بداية الشهر وبيتم ارسال رسالة نصية للحالات لتبليغهم بتحويل الشهريات
  
• يتم نشر صورة من فايل التحويلات على حساباتنا على وساءل التواصل الاجتماعي للشفافية بحيث يقدر المتبرع يشوف رقم الحالة المتكفل بيها ويطمئن ان المبلغ وصلها
• شهرياتنا هدفها انها تكفي الأسر شر السؤال عشان كده يتم مراجعة الحالات بشكل نصف سنوي (الحد الأدني للشهريات حالياً 1,300 جنيه)
  
  برامج الشهريات: 
  
  – اكفل يتيم
  – داوي مريض 
  – استر مسكين 
  – أربع حيطان (كفالات ايجار) 
  – ادعم طالب 
  – مصر وطن (كفالات لاجئين) 
  
  
  
  

في أسر كتير من أهلنا الطيبين بيضطروا يتخلوا عن علاجهم لتوفير النفقات لبنود أخرى أهم 

في باب الشفا بنوفر مساعدات طبية مختلفة سواء بشكل شهري ثابت أو حالات طارئة 
في المساعدات الطبية الشهرية بنوفر أدوية أمراض مزمنة شهريا للمرضى وبنوفر كمان جلسات علاج طبيعي وتخاطب 

وفي الحالات الطارئة بنوفر أشعة وتحاليل وكشوفات ومتابعات طبية ده غير الأطراف الصناعية وسماعات الأذن وصيانة القوقعة وكل ماهو متعلق بالجانب الطبي والدعم الصحي للأسر المستحقة 

من ضمن أنشطة باب الشفا كمان دعم المستشفيات الحكومية بأجهزة ومستلزمات طبية عشان يقدروا يستقبلوا عدد أكبر من المرضى ويشتغلوا بكامل طاقتهم 

في باب رزق بنساعد الأسر البسيطة يكون عندهم مشروع صغير يقدروا يعيشوا من دخله ويوفروا احتياجاتهم ويقفوا على رجلهم .. مساعدات باب رزق بتغير حياتهم للأفضل